ಅರಿಕೆ

ಶ್ರೀ ಸಿಗಂದೂರೇಶ್ವರಿಯ ಚರಣ ಕಮಲಗಳಿಗೆ ನಮಸ್ಕರಿಸುತ್ತಾ ಬರೆಯುತ್ತಿದ್ದೇನೆ. ನನ್ನ ಆರಾಧ್ಯ ದೇವಿ ಶ್ರೀ ಸಿಗಂದೂರೇಶ್ವರಿಯ ಸೇವೆಯೇ ನನ್ನ ಸೌಭಾಗ್ಯ. ಶ್ರೀದೇವಿಯ ಪ್ರೇರಣೆಯಿಂದಲೇ ಈ ಹಾಡನ್ನು ರಚಿಸಿ ಅರ್ಪಿಸುತ್ತಿದ್ದೇನೆ.

ನನ್ನ ಗುರುಗಳಾದ ಸಂಗೀತ ವಿದ್ವಾನರಾದ ದಿವಂಗತ ಪ್ರಭಾಕರರಾಯರು ಕಲಿಸಿದ ಕೆಲವೇ ಪಾಠಗಳಿಂದ ಭಕ್ತಿಗೀತೆಗಳನ್ನು ರಚಿಸಲು ಸಾಧ್ಯವಾಯಿತು. ನಾನು ಬರೆದ ಈ ಹಾಡುಗಳಿಗೆ ರಾಗ-ತಾಳವನ್ನು ನನ್ನ ಗುರುಗಳೇ ಸಂಯೋಜಿಸಿದ್ದಾರೆ. ಅವರಿಗೆ ನನ್ನ ಹೃತ್ಪೂರ್ವಕ ಕೃತಜ್ಞತೆಗಳು.

ಈ ಹಾಡನ್ನು ತಿದ್ದಿ ಸಲಹೆ-ಮಾರ್ಗದರ್ಶನವನ್ನು ನೀಡಿದ ಶ್ರೀಯುತ ಎನ್. ಎನ್. ಮಧ್ಯಸ್ಥರಿಗೆ ನನ್ನ ಹೃತ್ಪೂರ್ವಕ ಕೃತಜ್ಞತೆಗಳು.

ಸಿಗಂದೂರೇಶ್ವರಿಯ ಕೃಪೆಯಿಂದ ಪದ್ಯದ ರೂಪದಲ್ಲಿ ರಚಿಸಿರುವ ಈ ಗೀತೆಗಳನ್ನು ಗದ್ಯದ ರೂಪದಲ್ಲೂ ಓದಬಹುದಾಗಿದೆ.

ಸರಿಯಾಗಿ ಅಂದವಾಗಿ ಸಕಾಲಕ್ಕೆ ಮುದ್ರಿಸಿಕೊಟ್ಟ ವನರಾಜ ಮುದ್ರಣಾಲಯದವರಿಗೂ ನನ್ನ ಹೃತ್ಪೂರ್ವಕ ಕೃತಜ್ಞತೆಗಳು. ಹಾಡನ್ನು ಪ್ರಕಟಿಸಲು ಅನುಮತಿ ನೀಡಿದ ಶ್ರೀ ಸಿಗಂದೂರೇಶ್ವರಿ ದೇವಿಯ ಪ್ರಥಮ ಭಕ್ತನ ವಂಶದವರಿಗೆ ಮತ್ತು ದೇವಸ್ಥಾನದ ಪ್ರಧಾನ ಅರ್ಚಕರಿಗೂ ನನ್ನ ಹೃತ್ಪೂರ್ವಕ ಕೃತಜ್ಞತೆಗಳು.